آج انسان  کے ذہن  میں  کئی  خدشات  اور  بے  پناہ ڈر و خوف    کے  باوجود  کوشش  رہتی  ہے کہ وہ دور  دراز  فاصلے طے  کرنے  کے  لئے  جدید  ہوائی  سفر  کا انتخاب کرے  جس  کی  ایک  اہم  وقت  کی  قلت ، پرسکون  اورسفر  کا  بے خطر  ہونا ہے ،شاید  یہی  وجہ  ہے کہ  ایک  مخصوص  شمارے  کے  مطابق  دنیا  کے  ٨٣ فیصد  انسان  ہوائی  سفر  کو محفوظ  سمجھتے  ہیں 

"لیکن ان  تمام  سرویز  کے باوجود   یہاں  سوال  یہ   پیدا ہوتا  ہے، کیا واقعی میں ایسا ہی ہے ؟ اور  یہی  سوال  کئی  انسانی  دماغوں  میں  بھی  پیدا  ہوتا  ہے جب بھی  کوئی  ہوائی  حادثہ  رونما  ہوتا  ہے "

جسے بعض  اوقات  تحقیقاتی ایجنسیوں  کی  جانب سے  ماسومیاتی  تغیرات ، ٹیکنیکل خرابیوں  اور  پائلٹوں   کی جانب سے  کی  جانے  والی  سنگین  غلطیوں  سے منسلک  کیا جاتا ہے ، انہیں  چند  اہم  وجوہات  میں  سے  ایک  وجہ  آج  زیر  قلم  ہے  جو  ہوائی  سفر  کی  ابتدا  سے  آج تک کئی  حادثات  کا  سبب  بنتی  ہے .

"یہاں  ہم  اپنے  معزز  قاریین  کی  معلومات  میں  اضافہ  کے لئے  بتاتے  چلیں کسی  بھی  ہوائی  حادثہ  کی  صورت  میں  تحقیقاتی  ایجنسیوں  کی  جانب سے  سب  سے پہلے بلیک باکس جو  عموما  ہلکے  نارنگی  یا  لال  رنگ  کا ڈبہ  تلاش کیا  جاتا  ہے جو  فلائٹ  اور  کاکپٹ  میں  ہونے  والی بات چیت  سے  متعلق  معلومات  محفوظ رکھتا  ہے اور تحقیقاتی  ٹیم  کو  کسی  اہم  نتیجہ  تک  پہنچنے میں  معاونت فراہم  کرتا  ہے ." 

جیسا  کہ  ہم سب جانتے ہیں  کہ  ہر مشین کا  ایک   دل ہوتا  ہے  اور آج  یہ کہنا  بھی  غلط  ہر  گز  نہ ہوگا اب  مشین  کا  اپنا ایک دماغ  بھی  ہوتا ہے  جسے  انسانی  حکم  ما ننے  کے  لئے  تیار  کیا گیا ہے ایئرکرافٹ میں  پاۓ  جانے  والے  ایک  اہم حصہ   جیٹ انجن کا دل اس کے کمپریسر میں پایا جاتا ہے 

 یہاں  اس  کمپریسر  کا مقصد  انجن  میں داخل  ہونے  والی  ہوا  کو  کمبسٹن چیمبر  میں  داخلے  سے قبل اس  ہوا میں   دباو  پیدا کرنا  ہے تاکہ انجن  میں  ہونے  والے  دھماکوں  کو  زیادہ  اثر دار  اور  کام  سر انجام دینے کے  قابل   بنایا  جاسکے

یہاں  ایئرکرافٹ  انجینرنگ  میں  سٹال  سے  مراد  اس  کنڈیشن  کو  کہا جاتا ہے  جہاں دوران  پرواز  ایئرکرافٹ کی  اونچائی  میں اچانک  کمی  واقع  ہو  اور انجن کمپریسر  میں   ہوا  کے  دباؤ  میں  شدید  کمی  یا  دباؤ  ٹوٹنے  جیسی  کنڈیشنز  کو  سرج  کہا جاتا ہے .

 جیٹ انجن  میں  موجود  کمپریسر  بلیڈز  میں سٹال کا عمل  اس وقت   شروع ہوتا ہے جب موسمی  تغیرات، پرندوں  کے  ٹکراؤ ، برف  جمنے   یا  کسی  رکاوٹ  کے  سبب بیرونی  ہوا  کا  بہاؤ  یا  پھر   بہاؤ  کے  طلب میں  تیزی  سے  کمی  یا اضافہ  کی صورت میں ہوتا ہے  اور  یوں  انجن  کمپریسر  اور  رفتار  کے مابین   فرق  پیدا ہوتا ہے جس کی بدولت  انجن  میں  نہ  صرف شدید  دھماکے سنائی  دیتے ہیں بلکہ  اکثر  فوری  حکمت عملی  نہ ہونے  کی صورت میں  جان لیوا  حادثے  کا سبب  بن  سکتا ہے ۔

اگر  انجن  میں سٹال کا عمل  یونہی جاری رہنے  کی صورت  میں  سرج  کے  عمل کا آغاز  ہوتا  ہے اسٹال  کا عمل   اینولس  کے  گرد  ایک  دائرے  کی  شکل  میں  پھیل  سکتا ہے .

"اینولس  گھومتے  ہوۓ  روٹر  اور  انجن کا بیرونی  سطح   کے  مابین  خلا  کو  کہا جاتا ہے"

دوران عمل  سرج  تیزی  سے  بدلتے ہوا کے بہاؤ  کی  بدولت  نہ صرف سمت میں تبدیلی کا سبب بنتا ہے بلکہ اس  صورت  میں کئی  دیگر حالات کا  سامنا  بھی  کرنا  پڑتا  ہے مثلا زوردار  دھماکہ خیز  آوازیں، انجن سے  شوعلوں کا اخراج  اور  شافٹ  کے  گھماوں میں تیزی  سے اضافہ ہونا وغیرہ .

یہ تمام حالات  انجن  کی کارکردگی پر اثر ڈالنے  کے ساتھ ساتھ انجن  کے  دیگر  مکینیکل پرزوں  پر گہرے اثرات  مرتب  کرتے ہیں جس کی  بدولت  ایرو ڈائنامک عدم استحکام  کا خدشہ  لاحق  رہتا ہے .

تاہم  ان  تمام  خطرات اور حالات  کو  مدنظر  رکھتے  ہوۓ  آج  ان  تمام  پیچیدگیوں  پر  سائنس ، تجرباتی تحقیق،  کمپیوٹیشنل فلیوڈ  ڈائنامکس  اور  جدید  کنٹرول  سسٹمز  کی بدولت  کافی  حد  تک قابو  پایا  جا چکا  ہے جس میں  فل اتھارٹی  آف  ڈیجیٹل  انجن  کنٹرول  سسٹم کا استمعال  عام  ہے جو دوران پرواز  نہ  صرف ہوا  کے  دباؤ  کا  تناسب ، شافٹ  کی رفتار  اور  درجہ حرارت  کو کنٹرول  کرتا  ہے بلکہ  فیول  کی فراہمی ، وین کے  زاویوں  کو  وقتا فوقتا بدلتا  تاکہ  کمپریسر  بہتر  اور  محفوظ  طریقے  سے کام  سر انجام  دے  سکے .   

ایئر کرافٹ انجن  کے لے  تیار  کئے  جانے  والے  نۓ   ڈیزائن کی  اہم خصوصیت انجن  میں موجود کمپریسر  بلیڈز  میں  والوز کا استعمال ہے جو انجن  کے  شروعاتی  مراحل  میں  یا تیز رفتاری کے دوران کمپریسر میں سے  عارضی طور  پر  ہوا  کو  نکال باہر  کرتے ہیں یہ طریقہ  نہ صرف  انجن سے ہوا کے  غیر ضروری  دباؤ  کو  نہ صرف کم  کرتا ہے بلکے  کسی بھی پیچیدگی  کی  صورت  میں انجن کو مستحکم حالت  میں لانے  میں  معاونت فراہم  کرتا  ہے  ۔ 

آج  استمعال  ہونے  والے بوئنگ اور  ایئر بس  جیسے جدید   مسافر  طیاروں  میں  جدید  ریسرچ اور  ماہر  انجنیئر وں  کی انتھک  محنت  کی بدولت  کمپریسر سٹال  اور  سرج  جیسی  پیچیدگیوں  اور  ان  کی  بدولّت  ہونے  والے حادثات  کو  تقریبا  ناممکن بنا دیا ہے  لیکن یہ بات  ہمیں اس چیز  کی توجہ   مبذول  کرواتی  ہے   کہ  کتنی ہی طاقتور  مشین  کیوں نہ  ہو ذرا  سی لاپرواہی  یا  آ یروڈائنامکس  میں  خرابی  کسی بڑے  حادثے  کا سبب بن سکتی ہے ، شکریہ 

ازقلم  سید مرتضیٰ حسن