اپنی  جدت پسند سوچ کی بدولت آج انسان بن پروں کے محوے پرواز ہے اسے قدرت کا کرشمہ سمجھیں  یا وقت کی ضرورت کہیں  کبھی مہینوں کا زمینی اور سمندری سفر طے  کرنے والا انسان آج لاکھوں میل  کا سفر  اپنی جدت  پسند سوچ اور  ایجاد  کے باعث محض  چند  گھنٹوں  میں طے  کر پا  رہا ہے .

یوں  تو  ہم  میں سے بیشتر  حضرات  نے اب  تک  زندگی  میں کم از کم   ایک بار    ہوائی جہاز کا  سفر لازمی  کیا ہوگا لیکن  اس  سے  متعلقہ  ایک  سواری  جو اپنی  پرواز  اور  کام کی نوعیت کی بدولت  بہت کم عام  طور  پر سواری کے  لئے  استمعال  ہوتی ہے  انسان  کی جانب  سے  تیار کردہ اس  ہوائی مشین  کو ہیلی کاپٹر  کہا جاتا ہے   آج  میدان جنگ ہو یا  کوئی  امدادی مشن یہ چھوٹی  مگر  قابل  ذکر  ایجادکسی  بھی  ہوائی جہاز  سے  زیادہ  کرامد اور  بہتر  تصور  کی جاتی  ہے

ان  تمام  خصوصیات  اور  برتری کے  باوجود  مکینیکل انجنوں   کا استمعال کے باعث یہ  مشین   باقی  تمام  ہوائی  مشینوں  سے  کافی  حد تک مماثلت   رکھتی  ہے آج  ہیلی کوپٹر  مختلف  اقسام کے  انجنوں  پر  مشتمل  ہے  جو  اسے  مختلف  موسمی  حالات  میں  کام سر انجام  دینے کے  لئے  طاقت  مہیا کرتے  ہیں 

ہیلی کوپٹر  کی تیاری  کے  ابتدائی سالوں  میں   اسے  پسٹن انجن  کی  طاقت  سے  لیس  کیا  گیا  یہ انجن بلکل کاروں  میں  پاۓ   جانے والے پسٹن  انجنوں  کی  طرح کام  کرتے تھے   جس میں پسٹن کمبسٹن سلنڈر  کے اندر  اوپر  اور  نیچے  کی سمت  حرکت  کرتے  ہوۓ  کرینک شافٹ  کو گھومتا  ہے  جو  آگے  مرکزی روٹر  سے  منسلک  ہوتی ہے  یہ انجن عام  طور  پر ہلکے  اور  چھوٹی جسامت والے  ہیلی کوپٹرز  میں  نصب  کئے  جاتے  ہیں جن  کا  بنیادی  مقصد  نچلی اور  تربیتی  پروازیں  فراہم  کرنا ہوتا  ہے 

کچھ ہی عرصے  میں  ٹیکنالوجی  میں جدت کی بدولت  ان  انجنوں  کی جگہ  ٹربو شافٹ  انجنز  نے  لے  لی  یہ انجن  وزن  میں  ہلکا  ہونے  کے  ساتھ ساتھ  چند  بنیادی  تبدیلیوں  کے  ساتھ  بلکل  جٹ انجن  کی  طرز  پر  کام  کرتے  ہوۓ    ہوا  میں  دباو   پیدا کرتے  ہوۓ  ایندھن کو  جلاتا  ہے  جس  کی بدولت روٹر  سے  منسلک  ٹربائن  کو  گھمانے کی طاقت مہیا ہوتی  ہے یہ انجن  ہلکے ہونے  کے علاوہ  ہیلی کوپٹرز  کو زیادہ  اونچی ،  خراب  موسم اور دشوار راستوں پر  پروازیں  کرنے  میں خاص مدد فراہم کرتے  ہیں  تاہم  ان  انجنوں  کے  ایندھن  اور  دیکھ بھال  کے اخراجات  بھی کافی  زیادہ ہیں   عام  طور  پر  یہ انجنز   جنگی  ، دفاعی  اور  ریسکیو  ہیلکوپٹرز  میں استمعال کئے  جاتے  ہیں .

آج  ماحولیاتی  آلودگی  کے  سبب  جہاں  دیگر  ٹیکنالوجی مثلا  کاروں اور  موٹر سائیکلیوں  و غیره کو  ماحول  دوست  بنانے  کا سلسلہ  جاری ہے وہیں ہیلی کاپٹر  بھی جدت  کے اس ماحول دوست دوڑ  میں ساتھ ہے جس کی  بدولت  آج  برقی طاقت  سے اڑان بھرنے  والے  ہیلی کوپٹرز تیار  کئے  جس میں انجنوں  کی  جگہ  تیزی سے گھومنے  والی  برقی  موٹرز  اور  بیٹریز نے  لے  لی ہے  لیکن  تاحال  یہ منصوبہ زیادہ  کارآمد  ثابت  نہیں ہوسکا  لہٰذا ان ماحول دوست ہیلی  کوپٹرز  کو قریبی سفر  اور نچلی پروازوں  کے  لئے  استمعال کیا جا رہا  ہے لیکن ہیلی کاپٹر  ٹیکنالوجی  میں یہ پیش قدمی  مستقبل  قریب میں کارآمد  ثابت ہوگی .

جہاں بات ہو ماحول دوست ہیلی  کوپٹرز  کی وہاں  ہائبرڈ انجنز  کا تذکرہ ضروری ہے جو  آج برقی  ہیلی کاپٹر  کے ساتھ ساتھ ایک  اہم  اور  پایے دار کردار ادا  کر رہے ہیں  یہ انجنز   ہیلی کاپٹر  کے  روٹر  سے  براہ راست  منسلک  ہونے  کے  بجائے بجلی  پیدا  کرنے  کی صلاحیت سے مزین  ہوتے  ہیں جن  کا بنیادی مقصد  ہیلی کوپٹر  میں  نصب  برقی موٹر  کو  طاقت  فراہم  کرتے  ہوۓ  ہیلی کاپٹر  کو  طویل  اور  اونچی  پروازوں  کے  قابل  بنانا  ہوتا  ہے .

آج اگر  دیکھا  جائے    تو  انسان  کی  تیار  کردہ  یہ  ہوائی  مشین  نہ صرف  مسافر  کو  ایک مختلف اڑان کے  تجربہ  سے  ہمکنار  کرنے  کے ساتھ  کئ اہم  محاذوں  پر  بنیادی  کردار  ادا  کر رہی ہے جہاں  ہم دوسری اڑان بھرنے  والی مشینوں کے  استمعال  کا  تصور بھی  نہیں کر  سکتے .

"آج اگر  ہیلی کوپٹر  نہ  ہوتا  تو  کیا کوئی  دوسری  ایجاد  اس  کا نموبدل  ہو  سکتی  ہے؟" 

 اپنی  قیمتی  آراء سے  ضرور  اگاہ  کریں ، شکریہ .

ازقلم  سید  مرتضیٰ  حسن